Աշխատանքի նկարագրությունը
«ԲԵԿՈՆ ՊՐՈԴՈւԿՏ»-ը փնտրում է Օֆիս մենեջերի՝ միանալու մեր պրոֆեսիոնալ թիմին:
Պաշտոնի մասին
Ապահովել ընկերությունում ծրագրերի համակարգման, ինչպես նաև ադմինիստրատիվ, կազմակերպչական, տեղեկատվական գործառույթներ։ Այս պաշտոնը զբաղեցնող մասնագետը իրականացնելու է կատարողականի հետևյալ երեք հիմնական նպատակները`
- անմիջականորեն աշխատել Գործադիր Տնօրենի հետ` իրականացնելով վերջինիս կողմից տրված հանձնարարականները,
- համակարգել ծրագրերի իրականացման և վերահսկման գործընթացները,
- իրականացնել քայլեր կազմակերպության ներսում ներ և միջթիմային համագործակցության բարելավման համար։
Ինչու դիմել
- Ունենալու ես անսահման հնարավորություններ մասնագիտական աճի և զարգացման,
- Աշխատելու ես մարտահրավերային առաջադրանքների, ծրագրերի վրա և համագործակցելու պրոֆեսիոնալ, իրենց գործին հոգատար մարդկանց հետ
- Դրական, ու ինչպես մեր գործադիր տնօրենն է սիրում ասել՝ «լուսավոր» աշխատանքային միջավայր
- Հնարավորություն ես ունենալու աշխատելու գործընկերների հետ՝ տիրապետելով ոչ միայն լոկալ, այլ նաև միջազգայնորեն ընդունված աշխատանքային չափանիշներին և մոտեցումներին։
- Բացի այն, որ աշխատելու ես գեղեցիկ մշակված և կանաչ այգու շրջակայքում, ընկերությունն ապահովելու է նաև քո անվտանգ ճանապարհը դեպի գործարան և ետ։
- Ընկերությունը հոգ է տանում ճաշային ընդմիջման մասին. ունենք բացառապես առողջ և թարմ ճաշարան, որից օգտվելն անվճար է «Բեկոն Պրոդուկտի» աշխատակիցների համար։
Հնարավորություն ես ունենալու աշխատելու գործընկերների հետ՝ տիրապետելով ոչ միայն լոկալ, այլ նաև միջազգայնորեն ընդունված աշխատանքային չափանիշներին և մոտեցումներին։
Աշխատանքային պարտականությունները
Կատարողականի առաջին նպատակն է անմիջականորեն աշխատել Գործադիր Տնօրենի հետ՝ իրականացնելով վերջինիս կողմից տրված հանձնարարականները։
Հիմնական պարտականություններն են՝
- հետևել նամակագրությանն ու պատասխանել հեռախոսազանգերին,
- կազմել անհրաժեշտ փաստաթղթեր, հետևել փաստաթղթաշրջանառությանը,
- կազմակերպել ժողովներ, հանդիպումներ, միջոցառումներ,
- համակարգել Գործադիր Տնօրենի աշխատանքային գրաֆիկը,
- իրականացնել Գործադիր Տնօրենի հանձնարարականները ամենօրյա գրաֆիկով։
Կատարողականի երկրորդ նպատակն է համակարգել ծրագրերի իրականացման և վերահսկման գործընթացները։
Հիմնական պարտականություններն են՝
- ընկերության ծրագրերի գործառնական պլանավորում,
- ծրագրերի համար անհրաժեշտ ռեսուրսների սահմանում և կառավարում,
- ծրագրերի իրականացման ժամանակացույցի կազմում և նշված ժամկետներում դրանց իրագործման վերահսկում,
- ընթացիկ ծրագրերի մոնիտորինգ և արդյունավետության գնահատում։
Կատարողականի երրորդ նպատակն է իրականացնել քայլեր կազմակերպության ներսում ներ և միջթիմային համագործակցության բարելավման համար։
Հիմնական պարտականություններն են՝
- համակարգել տարբեր ստորաբաժանումների միջև արդյունավետ աշխատանքի իրականացման քայլերը,
- աջակցել բոլոր փոխկապակցված օղակների աշխատանքի համագործակցային և համակարգային բնույթին,
- նպաստել աշխատակիցների կողմից առաջարկների ներկայացման պրոցեսներին
Պահանջվող որակավորումներ
Պարտադիր պահանջներ
- Բարձրագույն կրթության առկայություն հաղորդակցման կամ հարակից այլ ոլորտներում,
- Աշխատանքային փորձը բազմամարդ թիմում աշխատելու կդիտվի որպես առավելություն,
- Ռուսերեն և անգլերեն լեզուների իմացություն․ դու տիրապետում ես ինչպես բանավոր, այնպես էլ գրավոր ռուսերենին և անգլերենին, քանի որ շփվելու ես միջազգային գործընկերների հետ ինչպես գրավոր, այնպես էլ բանավոր եղանակով,
- Հաղորդակցման հմտություններ․ որպես օֆիս մենեջեր դու պետք է կարողանաս գրագետ արտահայտել քո մտքերը ինչպես բանավոր, այնպես էլ գրավոր հաղորդակցության մեջ: Ուստի, քեզանից ակնկալվում է լինել ուշադիր մանրուքների նկատմամբ և լինել ուշադիր ինչպես ընկերության աշխատակիցների, այնպես էլ միջազգային գործընկերների հետ հաղորդակցման մեջ,
- Սթրեսակայունություն. դու միաժամանակ համակարգելու ես տարբեր ստորաբաժանումների աշխատանքը, ուստի կարևոր է լինել սթրեսակայուն և ունենալ հմտություն միաժամանակ մի քանի տարբեր գործառույթ իրականացնելու։
Ցանկալի պահանջներ
- Ճկունություն. աշխատանքային պարտականությունները լինելու են չկրկնվող և բազմաբնույթ, ուստի անհրաժեշտ է ունենալ մասնագիտական ճկունություն շուտ ադապտացվելու և վերջիններիս իրականացման համար համապատասխան քայլեր մշակելու համար։
- Բիզնես իրազեկվածություն. դու լինելու ես կազմակերպության այն ներկայացուցիչը, ով շփվելու է բոլոր ներքին և արտաքին օղակների հետ, ուստի պահանջվում է լինել բավարար կոմպետենտ։
Դիմելու ընթացակարգը
Ուղարկի՛ր քո ռեզյումեն PDF տարբերակով [email protected] էլ․ հասցեին՝ առարկա բաժնում նշելով «Օֆիս մենեջեր»:
Համալրման փուլերը՝
- Հեռախոսային հարցազրույց հավաքագրման մասնագետի հետ
- Հանդիպում աշխատակազմի ղեկավարի և հավաքագրման մասնագետի հետ
- Հանդիպում գործադիր տնօրենի հետ:
