Աշխատանքի նկարագրությունը

Ալֆա Ֆուդ Սերվիս ընկերությունը փնտրում է Լոգիստիկայի դեպարտամենտի ղեկավարի, ով պատասխանատու է լինելու լոգիստիկայում ավտոմատ կառավարման մեխանիզմների ներդրման և  իր ենթակայության ստորաբաժանումներում արդյունավետության մշտական բարձրացման համար։

Աշխատանքային պարտականությունները

• Ոլորտի միջազգային, լավագույն փորձի կիրառմամբ, Ընկերության բիզնես նպատակներին համապատասխան, լոգիստիկ շղթայի արդյունավետության բարձրացում,
• Լոգիստիկայի ավտոմատացման և կառավարման WMS (Warehouse Management System) և TMS (Transportation Management System) ծրագրային համակարգերի  ներդրման, բիզնես գործընթացների նկարագրման և իրականացման վերահսկողություն։ Համակարգի օպտիմիզացիա, տեխնիկական խնդիրների ձևակերպում և իրականացման վերահսկողություն,
• Լոգիստիկ ծախսերի օպտիմալացում և արդյունավետության բարձրացում՝ ապահովելով ենթակայության տակ գտնվող ստորաբաժանումների գործառույթների ժամանակին, ճշգրիտ և որակյալ կատարումը,
• Բյուջեների կազմում և վերահսկողություն բոլոր ենթաբաժինների համար,
• Լոգիստիկայի դեպարտամենտի համար KPI-ների (հիմնական արդյունավետության ցուցանիշների) մշակում և ներդնում,
• Ապրանքի ձեռքբերման և լոգիստիկ շղթայի բոլոր օղակների արդյունավետ կառավարում,
• Փոխադրման եղանակների և երթուղիների որոշում՝ հաշվի առնելով արագությունը, արժեքը և անվտանգությունը,
• Պահեստային տարածքի օպտիմալ օգտագործման,  ապրանքների ընդունման, տեղաբաշխման, կոմպլեկտավորման, բացթողնման գործընթացների մշտադիտարկում և արդյունավետության բարձրացում,
• Առաքման երթուղիների  և ժամկետների օպտիմիզացիա, նվազագույնի հասցնելով առաքման ծախսերն ու ժամկետները,
• Ապրանքների վերադարձի, ընդունման և մշակման, դուրսգրման կարգերի ստեղծում, ներդրում, մշտադիտարկում և արդյունավետության բարձրացում,
• Ավտոտրանսպորտի և տեխնիկական միջոցների պահպանման, օգտագործման, ժամանակին սպասարկման, վերանորոգման և ապահովագրման վերահսկողություն,
• Տրանսպորտատեխնիկական միջոցների սպասարկման ծախսերի օպտիմիզացիա։

Պահանջվող որակավորումներ

• Բարձրագույն կրթություն (ցանկալի է՝ բիզնեսի կամ կառավարման ոլորտում),
• Առնվազն 3 տարվա համարժեք աշխատանքային փորձ,
• Կառավարման գիտելիքներ, հմտություններ,
• Համակարգչային հաստատուն գիտելիքներ (WMS/TMS համակարգերով աշխատանքային փորձը ցանկալի է),
• նոր ծրագրերի կիրառումը արագ յուրացնելու ունակություն,
• Հայերենի, ռուսերենի և անգլերենի լավ տիրապետում,
• Վերլուծական հմտություններ,
• Բարձր պատասխանատվություն և արդյունքի վրա կենտրոնացում,
• Աշխատանքային կարգապահություն և կազմակերպվածություն,
• Ժամանակի արդյունավետ կառավարման ունակություն:

Դիմելու ընթացակարգը

Կարող եք դիմել այս աշխատանքին` ուղարկելով Ձեր ռեզյումեն հետևյալ էլ. հասցեին` [email protected] :
Խնդրում ենք հստակ նշել, որ իմացել եք այս թափուր պաշտոնի մասին JobFinder.am կայքից: