Աշխատանքի նկարագրությունը

Art-Group ընկերությունը, հանդիսանալով Eleveight AI ընկերության բացառիկ տեխնոլոգիական գործընկերը, ձևավորում է մոնիտորինգի և տեխնիկական սպասարկման թիմ Հայաստանի առաջին ԱԲ Տվյալների կենտրոնի համար, որը կառուցվում է Nvidia և Dell ընկերությունների ինժեներական լուծումների հիման վրա։Ինժեներական ենթակառուցվածքը կենտրոնացված է Գագարին և Երևան քաղաքներում։Հավաքագրումն իրականացվում է առաջին (L1) և երկրորդ (L2) մակարդակի ինժեներական հաստիքների համար։ Ընտրված մասնագետները պատասխանատու են լինելու ենթակառուցվածքի 24/7 մոնիտորինգի և ՏՏ սարքավորումների սպասարկման համար։

Մենք առաջարկում ենք՝

• Աշխատանք ժամանակակից ՏՏ ենթակառուցվածքում և Տվյալների կենտրոնում։
• Ուսուցման և մասնագիտական զարգացման հնարավորություններ։Կարիերայի աճի հնարավորություն մինչև մոնիտորինգի ինժեներ, համակարգային կամ ցանցային ինժեներ
• Կայուն զբաղվածություն և երկարաժամկետ համագործակցություն,
• Աշխատանք մասնագետների պրոֆեսիոնալ թիմում,
• Աշխատանքը կազմակերպվում է հերթափոխային գրաֆիկով։

Աշխատանքային պարտականությունները

• Տվյալների կենտրոնի ենթակառուցվածքի շուրջօրյա (24/7) մոնիտորինգ,
• Սերվերային, ցանցային և ինժեներական սարքավորումների վիճակի վերահսկում,
• Աշխատանք մոնիտորինգի համակարգերի հետ և վթարային ծանուցումների մշակում,
• Միջադեպերի նախնական վերլուծություն և դրանց կրիտիկականության աստիճանի գնահատում,
• Հայտերի գրանցում և ուղեկցում Service Desk համակարգում,
• Միջադեպերի էսկալացիա համապատասխան մասնագետներին՝ սահմանված կանոնակարգերի համաձայն,
• Ծառայությունների և սարքավորումների հասանելիության վերահսկում,
• Հերթափոխային մատյանի վարում և տեղեկատվության փոխանցում հաջորդ հերթափոխին,
• Փոխգործակցություն շահագործման ինժեներների, համակարգային և ցանցային ադմինիստրատորների հետ։

Պահանջվող որակավորումներ

• Առնվազն 1 տարվա աշխատանքային փորձ ՏՏ ոլորտում,
• Սերվերների, ցանցային սարքավորումների և Տվյալների կենտրոնի ինժեներական ենթակառուցվածքի աշխատանքի սկզբունքների ըմբռնում,
• Ցանցային տեխնոլոգիաների և ցանցային սարքերի բազային գիտելիքներ,
• Հիմնական արձանագրությունների բազային գիտելիքներ՝ TCP/IP, VLAN, DNS, DHCP,
• Գործիքների կիրառման հմտություններ՝ Ping, Traceroute, Netstat, tcpdump / Wireshark,
• Linux օպերացիոն համակարգի հետ աշխատանքի բազային հմտություններ,
• Մոնիտորինգի համակարգերի հետ աշխատանքի փորձ,
• Հրահանգներով և կանոնակարգերով աշխատելու կարողություն,
• Ուշադրություն մանրամասներին, պատասխանատվություն և միջադեպերին օպերատիվ արձագանքելու կարողություն։
• Անգլերենի իմացություն՝ Բ1 մակարդակ։

Առավելություն կհամարվի՝

• Zabbix, Grafana, Dell OpenManage Enterprise և iDRAC, Prometheus, InfluxDB, Observium համակարգերի հետ աշխատանքի փորձ,
• Fortinet, Dell և Juniper սարքավորումների հետ ծանոթություն,
• NOC-ում, մոնիտորինգի ծառայությունում կամ տեխնիկական աջակցության ոլորտում աշխատանքի փորձ։